影片
更多
2021-12-20
386 浏览
由细到大我对素食都冇兴趣，但机缘巧合下，去咗呢一间中环嘅西式素食餐厅，试完之后颠覆咗我对素食嘅睇法！呢间素食餐厅坐落喺中环半山区，威灵顿街嘅楼上铺，餐厅比较隐蔽，注重私隐度，想约三五知己静静地食咗餐饭，呢个系最好不过。今次我哋四个人去食，一坐低睇Menu，唔讲以为系只系一间主流嘅餐厅。今次我哋叫咗个泰式沙律，水牛鸡翼，鹅肝多士，以及威灵顿牛柳！望落呢个泰式沙律，有茄子有青瓜有「牛肉」，同一个普通泰国餐食嘅沙律冇分别。既然讲系食斋，又点解会有「牛肉」呢，佢呢度嘅「牛肉」其实系面筋，识落好真系有牛嘅味道，同埋佢系食到有牛嘅筋嘅感觉，净系呢一点已经令到我大开眼界！其次下一道嘅系水牛城「鸡翼」！呢个水牛城「鸡翼」望落真系好似一只鸡锤，表面嘅汁系酸酸甜甜，类似中国嘅糖醋汁，当你咬落去「鸡锤」时，万万都谂唔到，原来「鸡锤」只系一旧椰菜花，但睇佢嘅外型，已经觉得佢系一嚿鸡锤！！第三道系鹅肝多士。望落去真系好似鹅肝酱，但食落去一啲都唔油腻，反而有一阵好清新嘅豆味，再配埋多士，唔讲以为真系食紧真嘅鹅肝。再加上火箭菜配黑醋，而黑醋系经过特别处理，煮过后会较甜，零舍开胃！最后去到Main Course，威灵
呢间素食餐厅坐落喺中环半山区，威灵顿街嘅楼上铺，餐厅比较隐蔽，注重私隐度，想约三五知己静静地食咗餐饭，呢个系最好不过。
今次我哋四个人去食，一坐低睇Menu，唔讲以为系只系一间主流嘅餐厅。今次我哋叫咗个泰式沙律，水牛鸡翼，鹅肝多士，以及威灵顿牛柳！
望落呢个泰式沙律，有茄子有青瓜有「牛肉」，同一个普通泰国餐食嘅沙律冇分别。既然讲系食斋，又点解会有「牛肉」呢，佢呢度嘅「牛肉」其实系面筋，识落好真系有牛嘅味道，同埋佢系食到有牛嘅筋嘅感觉，净系呢一点已经令到我大开眼界！
其次下一道嘅系水牛城「鸡翼」！呢个水牛城「鸡翼」望落真系好似一只鸡锤，表面嘅汁系酸酸甜甜，类似中国嘅糖醋汁，当你咬落去「鸡锤」时，万万都谂唔到，原来「鸡锤」只系一旧椰菜花，但睇佢嘅外型，已经觉得佢系一嚿鸡锤！！
第三道系鹅肝多士。望落去真系好似鹅肝酱，但食落去一啲都唔油腻，反而有一阵好清新嘅豆味，再配埋多士，唔讲以为真系食紧真嘅鹅肝。再加上火箭菜配黑醋，而黑醋系经过特别处理，煮过后会较甜，零舍开胃！
最后去到Main Course，威灵顿牛柳！！！
呢个系最令我颠覆对斋既睇法！食落口真系同一旧普通嘅牛柳冇分别，不论系佢嘅质感，味道，甚至乎佢烧汁，全部都系斋菜。再加上厨师好有心，因为有啲地方乳制品唔算系斋，酥皮唔系用牛油去做，食落口冇咁Heavy，完全系无得顶！再加上个薯蓉好香，食落口完全唔Heavy，绝对系同食主流西餐冇分别！
如果想试吓食斋，但又未必接受到传统嘅中式斋，我推介可以嚟呢度试一试，或者会对食斋嘅文化有所改观。
张贴
