影片
港铁中环站 D2 出口, 步行约13分钟; 港鐵中環站D2出門口,中環半山行人扶手電梯方向上至伊利近街, 7-Eleven右轉直行，約13分鐘
继续阅读
开饭介绍
座落於中環蘇豪區，POP vegan 提供一個寬敞、舒適寧靜的環境，款式繁多的純素佳餚、含酒精及無酒精的純素飲料。
继续阅读
附加资料
禁止携带外食 No outside food or drink allowed
营业时间
星期一至二
12:00 - 22:00
星期三
全日休息
星期四至日
12:00 - 22:00
公众假期
12:00 - 22:00
以上资料只供参考，请与餐厅确认详情
相关文章
因為我哋見佢哋就嚟結束營業，所以同朋友想過嚟支持一下素食餐廳，我自己都係第一次嚟呢度🙏🏻睇完Menu之後，因為我哋本身要等朋友，所以都晏咗少少先點餐，我哋怕小朋友會肚餓，所以淨係點咗一個飯先，同佢地講其他嘢呀我哋一陣再點。朋友到咗之後我哋再點Pizza同埋薯條點知Pizza同薯條到咗先，個飯都未到😅個飯應該差唔多20分鐘前叫咗，因為我哋主要原因係怕小朋友肚餓，所以先早啲嗌。咁有乜理由個飯仲遲過，20分鐘後嗌嘅Pizza同薯條呢？除非服務員冇幫我哋落到個飯，我哋問佢嘅時候仲要話到咗就會放上嚟。。。就係因為個飯超耐所以先問，完全冇落單5分鐘10分鐘就吹你嘅意思😅😅😅黑松露薯條都幾好食，但係四季Pizza就真係唔係好掂。。。個飯都正正常常最後佢哋話4:00要我哋離開，其實我哋已經企晒喺度等小朋友去買廁所就走，點知個服務員熄晒全店嘅燈😅好似想趕我哋走咁？大佬而家唔係賴死唔走，我哋已經其實喺度過咗兩三分鐘有另外一個服務員過嚟即刻開返晒啲燈本身真係因為你哋就嚟結束營業所以幫襯下，支持下素食餐廳，點知服務質素咁差，真係俾錢買難受🥲希望你哋重開會有所改進
继续阅读
星期日行開大館附近，想搵間啱食嘅店食午餐，剛好朋友想食素，就揀左 Pop vegan。店員好有禮貌，野食種類都多，不過得兩個人就一客 pasta + 一個 wrap 好了。野飲就無叫到，散叫始終覺得有點貴，例如汽水或茶要$32、果汁$58、mocktail $68 等等揀左 signature 之一嘅Teriyaki Tofu Soba Noodle 同 Veg Chicken Wrap。兩款都好好味。前者好啱夏天食，Soba 係涼的而豆腐同南瓜係熱的，麵入面仲有幼豆角、青瓜條同大量紫菜絲，好清新，又大份，好食！後者又係好大碟，一條卷對切配沙律菜同薯條，個卷裡面有炒過嘅素雞同南瓜條，仲有醬汁，完全唔乾，個皮亦烤得好好，唔會覺得好厚粉咁。沙律菜又新鮮，薯條都唔錯。店員會不時行埋黎加水，完全都唔駛叫，服務態度一流！如果下次再多啲時間同朋友搵個地方食野兼傾計，再試埋啲野飲先～
继续阅读
Lunch set（約$168-$198加一成），含Salad（或湯）、主菜、咖啡（或茶），可優惠價加點甜品；今天點的餐點樣樣美味、份量十足！特別喜歡椰菜薯泥！本週（2022/6/22）商業套餐有活動免費贈送甜品；下午茶依menu打七折。
继续阅读
適逢有食素嘅朋友生日，特登帶佢一齊黎食呢間位於大館附近既素食西餐廳，地方唔算難搵，但都要行一陣啦。我地先點左個mushroom truffle soup，超級香濃，大家都一致推薦❤️之後點左個素版buffalo wings，又辣又脆，加埋個疑似sour cream，同真既味道完全無分別😍至於pizza都好香口好多餡，上面既barbecue sauce甜甜地，男仔女仔都一樣食得咁開心！之後再點埋cauliflower steak同mushrooms pasta ，又係好甜好好食既cauliflower,而pasta一樣咁濃味，大家一人一著就食曬😂由於食得太開心，大家俾酒精影響下（飲品都超好飲🥹），一次叫左4份甜品。但其實大家已經飽到上心口😂，所以我個人黎講就每樣淺嚐左少少就算，整體都好好食，最有記憶點可能係個啤梨，好fresh咁幫場晚飯畫上完美句號❤️而其他都真係太滯了🙈就算叫一份都夠曬我地（5個人）share，但整體性價比超高。員工十分友善，食物飲品質素都好好，埋單每人先三百幾，中環食飯呢個價真係好友善❤️❤️❤️
继续阅读
疫情之前去左中環呢間行高檔style嘅素食西餐廳。呢度環境唔錯，好適合朋友黎傾計。我地兩個人有少少眼闊肚窄，以為啲野好細碟，嗌左2個前菜同2個main，但呢度份量都幾大，所以如果想試多啲野，人多啲黎會好啲。Overall我覺得呢度嘅素食唔算係特別出色，調味雖然同本身嘅野食調得好似，味道亦都唔錯，賣相都好靚，但始終口感爭啲，汁同食物唔算好夾，所以我覺得呢度食氣氛多過食物味道。Buffalo Wing $108Sea Urchin Tempura $128Wellington Steak $238Truffle Spaghetti $188
继续阅读