豐石板燒專門店 (已結業)

话说宝宝提议今晚食牛扒，咁岩又行完先达，我话不如就试下呢间新开既石板烧啦，好似几过瘾咁。佢叫 丰石板专门店。呢间野比我感觉几舒服同系自己照都几好玩同几抵食。而入面既装潢又真系冇令你失望，「麻雀虽小，五脏俱全」呢间餐厅其实唔大，但外面提供既自助吧，要有既佢都有。服务员个态度又系好好：会介绍你边一只肉最底食食，又会问你钟意食咩肉、旧石够唔够热等等。唯一个唔好系张枱既空间真系唔够大。野食方面，我同宝宝一人叫左两个唔同价钱既肉，咁先可以比较一下边只肉既性价比最高啦。一个系美国prime肩胛肉眼；另一个系美国安格斯牛小排。价值争一半，牛味同油份分布都会有分别既。我叫个份「美国prime肩胛肉眼」虽然冇咁淋，但胜在几大块，有肉味，烧完点汁再捞饭系几好。我宝宝个份就系「美国安格斯牛小排」就好淋同好重味，加埋牛油一齐烧就会好香口，但因为呢旧牛小排好多油份，所以食少少就会开始滞肚，细威既朋友，建议大家呢旧唔好捞饭食，因为真系好滞肚架。最后埋单都系$246，系呢到要平食有平食，要食好有食好西，风俭由人。