影片
更多
2018-12-22
880 浏览
朋友介绍呢间拉面唔错，今日晏昼就去咗试试。去到仲未有位，店员就比咗张点餐纸我地，系出面等。原来佢系分开两个时段，晏昼食沾面，夜晚食拉面，既然一场嚟到就试下佢嘅沾面先啦！画完餐纸仲未有位，见到佢门口有部扭蛋机抽奖，抽中一等奖仲可以免费食拉面/沾面；就算系五等奖都有免费加荀/紫菜/面底，$10扭一次，咁我就试下啦，点知抽中咗三等奖增量叉烧(原价$25)，又几抵玩㖞！入到去舖头，装修装饰摆设都好有特式，墙上仲贴咗好多客人嘅留言，别有一番风味。好快个面就到啦，我要咗鱼介豚骨蕃茄海虾沾面，冻面普通份量，增量紫菜。就算系普通份量个面都好多，而增量紫菜足足有十块，份量十足。个汤味道浓郁，沾面弹牙有口感，可惜个汤嘅蕃茄味唔够突出，被咸味同樱花虾味盖过。而最大败笔系个汤唔够热！加上我要冻面，整体冻冰冰咁唔够畅快。(6.5/10分)不过$10扭嘅叉烧质素都唔错，好食！(7.5/10)整体而言呢间舖仔都几有心机，由门面、装修设计、店员到面都落足心思，当然有美中不足嘅地方，呢个有待改善。下次的话，我应该会夜晚嚟试下拉面。相信叫拉面唔会再比冻汤我喇挂
去到仲未有位，店员就比咗张点餐纸我地，系出面等。原来佢系分开两个时段，晏昼食沾面，夜晚食拉面，既然一场嚟到就试下佢嘅沾面先啦！
画完餐纸仲未有位，见到佢门口有部扭蛋机抽奖，抽中一等奖仲可以免费食拉面/沾面；就算系五等奖都有免费加荀/紫菜/面底，$10扭一次，咁我就试下啦，点知抽中咗三等奖增量叉烧(原价$25)，又几抵玩㖞！
入到去舖头，装修装饰摆设都好有特式，墙上仲贴咗好多客人嘅留言，别有一番风味。
好快个面就到啦，我要咗鱼介豚骨蕃茄海虾沾面，冻面普通份量，增量紫菜。就算系普通份量个面都好多，而增量紫菜足足有十块，份量十足。
个汤味道浓郁，沾面弹牙有口感，可惜个汤嘅蕃茄味唔够突出，被咸味同樱花虾味盖过。而最大败笔系个汤唔够热！加上我要冻面，整体冻冰冰咁唔够畅快。(6.5/10分)
不过$10扭嘅叉烧质素都唔错，好食！(7.5/10)
鱼介豚骨蕃茄海虾沾面
$88
46 浏览
0 赞好
0 留言
叉烧
32 浏览
0 赞好
0 留言
整体而言呢间舖仔都几有心机，由门面、装修设计、店员到面都落足心思，当然有美中不足嘅地方，呢个有待改善。下次的话，我应该会夜晚嚟试下拉面。相信叫拉面唔会再比冻汤我喇挂
张贴
