影片
更多
2022-08-13
88 浏览
朋友喺观塘返工，闲谈中发觉大家好耐冇见，约咗一齐食晚餐，而佢听闻公司附近一间大排档小菜几好食，就约我平日夜晚嚟食。餐厅位于市政大厦内4楼熟食市场，入面有冷气有电视睇，比预期中所想舒适。一嚟到就有老板娘热情款待，安排我哋两人座位，未坐低就俾枱面本餐牌吸引住，设计灵感几好，用以前中国故代书籍的装帧作参考，亦有提供两碟前菜，花生和四季豆。谂咗一阵都唔知叫咩小菜，老板娘见我哋犹豫不决，最后走过嚟推荐几款小菜，而我哋毫不犹豫照跟佢推荐的落单。凉拌苦瓜🥒 $48 ～ 凉拌青瓜平时食得多，但系凉拌苦瓜我从来未食过！冇谂过咁好食，如果钟意食苦瓜嘅人，一定会觉得好正！苦瓜够苦，加埋酸酸地嘅汁，系一道绝味的开胃菜！梅菜蒸菜心🥬 $78 ～ 相信人人都听过梅菜蒸肉饼，梅菜蒸菜心就真系第一次听。菜心清甜，咬落系爽口，加上有梅菜咸咸地配搭，捞饭食一流！橙花骨 $88🍊 ～ 卖相好靓，未食已经流哂口水，用上香橙酸酸甜甜的味道，相比起其他酱烧的烹调煮法，食落冇咁腻，好啱夏天呢个时候食！酱烧黄花鱼🐠 $138 ～ 黄花鱼伴上特制酱汁（泰式辣酱），口感系外脆内软，炸得刚刚好，冇令到黄花鱼的肉质粗糙，依然系咁嫩滑，虽然我
餐厅位于市政大厦内4楼熟食市场，入面有冷气有电视睇，比预期中所想舒适。
一嚟到就有老板娘热情款待，安排我哋两人座位，未坐低就俾枱面本餐牌吸引住，设计灵感几好，用以前中国故代书籍的装帧作参考，亦有提供两碟前菜，花生和四季豆。
谂咗一阵都唔知叫咩小菜，老板娘见我哋犹豫不决，最后走过嚟推荐几款小菜，而我哋毫不犹豫照跟佢推荐的落单。
凉拌苦瓜🥒 $48 ～ 凉拌青瓜平时食得多，但系凉拌苦瓜我从来未食过！冇谂过咁好食，如果钟意食苦瓜嘅人，一定会觉得好正！苦瓜够苦，加埋酸酸地嘅汁，系一道绝味的开胃菜！
梅菜蒸菜心🥬 $78 ～ 相信人人都听过梅菜蒸肉饼，梅菜蒸菜心就真系第一次听。菜心清甜，咬落系爽口，加上有梅菜咸咸地配搭，捞饭食一流！
橙花骨 $88🍊 ～ 卖相好靓，未食已经流哂口水，用上香橙酸酸甜甜的味道，相比起其他酱烧的烹调煮法，食落冇咁腻，好啱夏天呢个时候食！
酱烧黄花鱼🐠 $138 ～ 黄花鱼伴上特制酱汁（泰式辣酱），口感系外脆内软，炸得刚刚好，冇令到黄花鱼的肉质粗糙，依然系咁嫩滑，虽然我哋两个人已经好饱，但都清哂条鱼，好食！
整体食物质素高，见到老板的用心都花喺食物之上，著重食物质素同新鲜，又会问下客人食完有咩意见，充满浓厚的人情味。
张贴
