廚十三老壇酸菜魚 (渣甸街) (已結業)

酸菜鱼从风靡香港市民的口味，酸辣酸辣食完都会挂住。今日就黎品尝一下依间酸菜比鱼更好味嘅‘厨十三’。一黎更系上条鱼先啦，大盆到吓亲人，其实佢有分量可以选拣，有人数比大家参考，甘就唔晒唔够食或者食唔晒喇～我地要左小辣同加左4样配菜：莲藕、青笋片、寛粉、木耳。鱼系桂花鱼所以无骨，鱼系活鱼即㓥，切成一片片，入口嫩滑味鲜甜，配埋酸菜一齐食够晒过瘾，酸辣鲜甜美味，一啖接住一啖食唔停口。配菜切得薄保持口感又可以吸到汤汁而入味，寛粉Q弹烟韧吸满汤汁，食酸菜鱼一定唔少得。除左酸菜鱼仲有好多凉菜小食，菜名都好特别，要左一个凉菜‘上上签’同埋小食‘酥炸无脸男’。上上签里除左醋酸酸的，仲会麻麻的应该系麻椒，无骨鸡爪最入味，口感脆脆的，其他蔬菜都入味爽口好吃。酥炸肉系瘦肉，但咬落松软，外皮酥脆香口，放落酸菜鱼浸一浸就会吸满汤汁，又系另一种风味。再饮返啖酸梅汤中和下又辣又麻的口腔，又可以继续食鲜味酸菜鱼，如果最后黎返碗冰粉就更好。