KOK KOK

营业中

休息中

专登搭车入来试下，好彩嚟到啱啱有位，入座后好快见到要排队，条队到我搭车离开𠮶头嘅时候仲有。首先未食已觉得环境己有feel，老板系泰国人，舖头细细，窗外有阳光望出去都系小舖，没有高楼大厦，会有错觉去咗泰国。我哋两个人叫咗两个午市套餐，$58包嘢饮，冇+1, 呢个价钱已很吸引，当然location location location的原固， 我都会预期比系市区食应该较平。点左肉碎饭同pad thai, 卖相好有风味，份量都好够饱，味道都不错！pad thai 系配虾， 但虾都系用果d透明好爽又冇味的虾，有d失望。虽然系平，咁如果用唔到实肉虾，都加多个鸡肉option 丫。 朋友个碎肉饭正常， 基本上唔辣。最后加左$20要虾饼，好食，但比想像细。 如果系屋企附近我应该会成日帮衬，但要专登搭车或揸车来，我就未必会成日来。价钱同风味系最大卖点，反而食物味道我觉得系正常，未至于超好食。提一提，唔知系咪我咁岩坐冷气风口位，啲食物一上来好快就吹到冻，食到食到一半d pad thai 开始硬硬地😂。