四點金飯店

营业中

休息中

初初朋友约喺“ 四点金 ”食晚饭，都唔知原来系潮州菜馆🤭，环境有小小典雅既风味，地方阔落，当晚都有好多客人，但又唔会太嘈吵，坐得好舒服。坐低有一小碟酸菜 $10，酸酸甜甜好开胃，如果用嚟送粥系一流嘅，可惜当日怕眼阔肚窄，无叫粥食，下次一定要试下😋。今晚黎到想食小菜，所以分别order左碧绿川椒鸡球，同埋凤梨梅羔一字骨，好似几特别咁😁。凤梨梅羔一字骨 $94好钟意呢个一字骨，味道啱啱好，一字骨好香，肉质爽口，有淡淡梅子味道，加埋凤梨既清甜，好惹味😝碧绿川椒鸡球 $98呢个川椒鸡球，味道有点似酱烤鸡，肉质幼嫩，好香口，送啤酒一流，越食越滋味，如果可以多D配料仲正😋😋。见到有招牌蛋散 $28-半打，即刻要order，真系童年回忆，好耐无食过😝，呢个真心推介，蛋散炸得松脆，蛋味香之余，亦唔太甜，就算好饱都忍唔住食晒🤣🤣。虽然今次无叫潮州野食，但整体风味不错，小菜款式都有好多选择，下次可以再试😝😝。