JD Euro (Jade) Cafe & Bar (已結業)

今日同朋友黎到油麻地呢间充满本土特色既土耳菜餐厅。餐牌上除左有充满本土特色既土耳菜外，仲有西餐可以选择，例如意粉、Pizza、牛扒、海鲜等，选择甚多，包保每位客人都拣到心仪既野食。仲会有厨师每日精选既set dinner，保证有惊喜！我同朋友分别嗌左一份香烧鸡肉串配饭，同埋一份烧羊架配饭。可能系中东菜既关系，佢地既饭多数都会沟埋油黎煮，并非一般既白饭，令到味道唔太寡之余，又唔使另外加 sauce 调味。而肉方面，不论鸡肉定羊肉都十分出色。鸡肉清爽而且唔油腻，睇得出煮师用心去烧。而羊架方面，我既朋友就话系水准之作，羊肉十分美味，未食都流哂口水。呢间餐厅仲有土耳其咖啡提供，中意饮唔同地方既咖啡既朋友可以一试。