葉公館 (已結業)

網上睇到海鮮研究所，見到原來朋友屋企附近有間好野食，所以放工同朋友黎食。見到原來都有好多大排檔菜式，決定食下小炒。蜜椒薯仔牛柳粒：牛柳唔鞋，薯仔粒外脆內軟，仲沾咗蜜糖既甜味，成件事好有wok氣。椒鹽鮮尤：呢個炸得幾酥脆同埋調味唔會過咸，炸衣唔會太過厚，食到尤魚本體。麻辣雞煲：雞煲個味道唔錯，雞塊份量都好夠，如果麻味可以勁少少就更加好。涼拌豬耳：豬耳好入味而且分量唔欺場，同青瓜莞茜一齊食，好有酸辣粉既味道，幾惹味。最後仲送咗綠豆沙。