紅館 (海堤街)

营业中

休息中

经过一间食辣野既小店，系唔太显眼嘅后巷，系小店食嘢特别有风味。今次试左麻辣菜式重庆水煮无骨龙利柳同埋出面比较少见嘅四川椒麻鸡。重庆水煮无骨龙利柳（$148）满目辣椒红亮养眼，麻辣味为主，食到辣椒嘅香味，龙利柳啖啖肉，吸哂汁既精华，配菜有大量爽口嘅豆芽，特登加咗薯粉一客（清汤底），用重庆水煮嘅麻辣汁拌薯粉食一流，薯粉烟靭滑溜。四川椒麻鸡（半只$98/一只$196）干椒麻味与小葱嘅鲜味结合，口味较温和，唔太食得辣嘅朋友可以拣试呢个，鸡肉肉质嫩滑。四川椒麻鸡有半只/一只选择，今次拣咗半只，份量好足，抵食。罗汉果茶（$9）食完辣野要饮返凉茶下一下火，罗汉果茶系自家制，饮完非常润喉。除咗凉茶，仲有好多冰冻酒款，有啤酒/中国白酒，大支装啤酒$32-38，中国白酒有茅台王子酒（$288/200ml)、大曲酒（$88/200ml)、江小白（$68/100ml)。