靠炆雞 (已結業)

星期六晏昼由湾仔行去铜锣湾，经过呢一间吴起眼嘅小店，望望餐牌，有好似曼谷水门鸡饭嘅嘢食，冇得去旅行，唯有去下呢度食感受下旅行嘅味道。小店装修非常之简约，厨房煮面嘅阿姐都唔系香港人样。店全部用上不锈钢餐具，劲有泰国街边既感觉。太肚饿，未影相已经比人食左个鸡饭。海南鸡饭，完全唔似一般连锁店食到嘅，个鸡肉好滑，鸡皮好薄，果两碟酱都同水门鸡饭差不多样，仲有一碗仔冬瓜汤送添。胡椒猪杂，几蚊其实好食得过，胡椒味好轻，不过汤底好味，仲有好多香叶，清得黎又几开胃，其实就食得多牛杂，猪什好少食，不过佢整得好干净，又好爽口，连啲通菜都非常好味。腩肉炒椰菜苗，平时食得多马拉盏炒通菜，呢个椰菜睇落好油腻，不过其实食落好惹味，腩肉系主角，好腍好香。泰北船河，男朋友话呢一个系有辣嘅，因为知我钟意食辣，汤底睇落好清，头一两啖都觉得个辣系假嘅，不过食食吓辣味就出到，又唔系真系好辣， 系好香嘅。香港好多地方都有得饮呢一只泰国奶茶，但我哋都要叫番一杯衬下呢餐。