肥姐麻辣餐廳

营业中

休息中

今晚同朋友去咗荃湾沙咀道 “”肥姐麻辣餐厅”食川菜。我哋两个人，叫咗三碟𩠌。第一样就系“”口水鸡“。 老板娘会好亲切地问你 可以食到咩辣， 我哋嘅程度只系bb辣 。等咗一阵 ，口水鸡就嚟到 。第一样眼就见到份量十足，食口水鸡最重要就系个汁。 个汁教得啱啱好 ，有小小麻辣唔会令人喉咙唔舒服，后劲带点点麻辣，好有层次感。第二个𩠌就系“辣子蒜香炒排骨 ”。睇图都见到有几咁澎湃， 入面有好多排骨，食得出系新鲜嘅排骨，唔系雪藏。 啲蒜片炒到好香， 攞嚟送饭食一流。 最后就嗌咗个”清炒土豆丝 ”，热腾腾上碟 ，土豆丝好爽口， 味道好香浓 。其实有时候食下呢啲情怀嘅小店，比起去高级餐厅有另一种风味。