味帝漢堡 (已結業)

听人讲大⻆咀多左好多好既食店，今日专程过来行下睇下，果然有发现。见到店内呢个黑板风格既餐牌真系几有feel，食物种类亦都好丰富，另外厨房系开放式，都几干净，而食物系即叫即整，够新鲜。睇完餐牌后叫左碎蛋芝士汉堡、碎蛋芝士烟肉汉堡、蘑菇奄列、罗宋汤同热朱古力，2个人都够食。今日天气几冻，饮热既罗宋汤就岩哂，汤唔算太酸，而且够浓郁，入面既配料入味得来都keep都少少口感，唔会话太软绵绵。至于热朱古力浓得来唔会过甜，而且有加入棉花糖，多一重口感。蘑菇奄列外层既蛋好嫩滑，再配上带有微微甜味既酱汁和香草，内里既菇鲜味浓郁，口感弹牙，整体配搭得很好，推荐。碎蛋芝士牛扒汉堡：牛肉熟度岩岩好，够新鲜亦好有牛味，食落亦好多肉汁，加上碎蛋芝士和沙律酱，消除左汉堡本身油腻感，推荐。双层碎蛋芝士烟肉牛扒汉堡：同普通牛排汉堡比起来份量更多，而内里烟肉都保持到微脆口感，不过体积较大，口细既人要慢慢食。其实整体食物质素都高，价钱亦唔贵，同样食物质素某些地区可以贵一倍，间唔中来大角咀揾下好野食都唔错。