巴蜀烤全魚 (已結業)

咁啱宋皇台站落成无耐，我frd话不如去下九龙城揾下食，比以前够方便。Search过呢间由地铁站行过去只系10分钟左右，行几个街口，易揾，加上最近钟意食烤鱼，啖啖肉浸泡喺麻辣嘅汤汁，热辣辣够哂过瘾，同个frd一拍即合决定试吓！呢度环境都够阔落，坐得舒服。快快趣先点个鱼先，叫咗小边麻辣。本身唔食得太辣但又想过下瘾，叫BB辣。望上去香料好足，但真系BB辣，都够晒味！条鱼够两个人食，食落无泥味，问店员话系鲩鱼黎，又唔系多骨bor 留意返条鱼本身无啲芽菜、支竹、莲藕，如果有埋就更加满足喇。我哋另外仲有嗌泡饭，两条友基本上系无饭不欢，加上食烤鱼无理由斋食白饭咁dry，呢间店有好多款嘅泡饭，今次试吓鱼腐同川味口水鸡，无论泡饭同啲𩠌都超大碗，钟意食饱嘅人可以一试。最后点咗两条串烧，包括盐烧帆立贝同秘制鸡串，一阵阵嘅孜然粉味，呢度加埋杯啤酒应该好啱倾8卦心事。