入麵 (已結業)

尼间黄店主打唔同辣味/日台式口味既食物，素食者亦适合，够贴心。入座前要量体温，仲会有消毒搓手液。lunch set价钱大约$55-60，可以拣1款主食，1款捞面/汤面，1杯台式饮品。叫左主食回味酱骨架set($60)，盐酥鸡球set($56)。回味酱骨架有3大件，侍应贴心地提供胶手套及盛骨碗，方便食。酱骨架煮得够入味，肉嫩唔干。伴碟仲有糖心蛋、榨菜、青瓜、红萝卜。日式捞面好大份，男仔食可能都觉得好多。面头洒上柴鱼干、粟米，搅拌日式酱汁一齐食。面身属硬，个人觉得口感更好，因为如果面条煮得太软，就会捞唔起，变成一patpat，所以餐厅煮面时间控制得好。盐酥鸡球有起码7件，炸得够脆，食落唔会觉我好热气，而且肉滑仲有d肉汁。伴碟仲有薯角、青瓜、红萝卜，有心思唔会单调。将麻香酱拌匀之后，成碟面都好香麻酱味，再加d粟米点缀。跟餐饮品拣左珍珠奶茶、冬瓜茶，正正常常唔会过甜，难得珍珠奶茶唔驶加钱。整体，抵食既lunch set，而且睇menu会眼花，因为真系好多选择，咩都想试。