影片
更多
2016-08-18
494 浏览
屯门喱间大阪章鱼烧，系被著名blogger同饮食男女介绍过之后，就红得好紧要。呢间铺头既位置其实完全唔方便的，即使你搭主要铁路去到屯门西铁站，你都仲要再搭轻铁几个站去到泽丰落车，然后再行大约七分钟左右，系一间极唔显眼既小商场地铺入面会见到。而你去到一定会知系边间，因为得佢系咁多人排。小商场地铺无论内外都系完全冇冷气的，而由于呢间铺其实几讲究，唔肯因为多客等就烧得快，但同一时间只会烧两板章鱼烧（我估系铺位限制），于是就人多兼且慢，等既时间就长。我地闲人五点左右去等，都足足等左差唔多35-40分钟先买到一盒。食落又点呢？多人排系有道理的。普通你系街边食到既十蚊章鱼烧，大概有四个特点：(1) 皮软而无味; (2) 内里粉浆感觉仍在; (3) 章鱼极细; (4) 似食调味酱多过章鱼烧。无他，同一种料理，即使系一粒小小既章鱼烧，当系材料同手工上讲究的话，佢系可以变成另一种完全唔同既境界。我成日都同自己讲，食平野还食平野，千其唔好比佢占领左你既灵魂，就算系平野，你都要揾好食既平野。平时生活已经惨了，呢方面一定要善待自己。讲返呢粒章鱼烧，佢有分四种味：原味、葱味、明太子味同蟹子味。我地叫左明太子同蟹
呢间铺头既位置其实完全唔方便的，即使你搭主要铁路去到屯门西铁站，你都仲要再搭轻铁几个站去到泽丰落车，然后再行大约七分钟左右，系一间极唔显眼既小商场地铺入面会见到。而你去到一定会知系边间，因为得佢系咁多人排。
小商场地铺无论内外都系完全冇冷气的，而由于呢间铺其实几讲究，唔肯因为多客等就烧得快，但同一时间只会烧两板章鱼烧（我估系铺位限制），于是就人多兼且慢，等既时间就长。我地闲人五点左右去等，都足足等左差唔多35-40分钟先买到一盒。
食落又点呢？
多人排系有道理的。普通你系街边食到既十蚊章鱼烧，大概有四个特点：(1) 皮软而无味; (2) 内里粉浆感觉仍在; (3) 章鱼极细; (4) 似食调味酱多过章鱼烧。无他，同一种料理，即使系一粒小小既章鱼烧，当系材料同手工上讲究的话，佢系可以变成另一种完全唔同既境界。我成日都同自己讲，食平野还食平野，千其唔好比佢占领左你既灵魂，就算系平野，你都要揾好食既平野。平时生活已经惨了，呢方面一定要善待自己。
讲返呢粒章鱼烧，佢有分四种味：原味、葱味、明太子味同蟹子味。我地叫左明太子同蟹子。首先粒章鱼烧既特色系，佢系有少少脆口，唔会有果种生粉浆既感觉，而且外皮系有一阵烧烤味，即系你会食到佢真系一粒章鱼「烧」。内笼旧章鱼系十分大旧，但由于粒野本身都整得大，两者系比例上既配合又刚刚好。从图中可见，佢地比配料系绝不手软的，而我个人喜好就觉得蟹子好食过明太子（其实两者都系好食的）。
价钱方面，佢系比普通街边既章鱼烧贵的，大约22蚊4粒，于是一盒就44蚊左右。但总体来说，以今时今日既物价同佢既质素，我会觉得系合理的。8粒一定够饱一餐。人一世物一世，如果你短期来都唔会飞日本去食正宗既章鱼烧，你可以去屯门试下（网上话葱味有惊喜）。
张贴
