雲南啊老表黑山羊湯鍋米綫 (上海街)

营业中

休息中

如果有钟意食羊，又钟意米线，呢一间喺佐敦嘅小店就啱晒。之前听我个妹讲，佐敦有一间云南啊老表黑山羊汤锅米线好好味，所以今晚就慕名去试吓。去到睇紧餐牌嘅时候，见到其他食客都系叫羊肉酸辣米线，所以我都叫咗碗细嘅试吓。但系其实都好大碗。另外再叫咗个口水鸡，一啖热辣辣羊肉米线，一啖冰凉口水鸡，非常配合。因为叫咗两样嘢都辣辣地，所以就嗌左杯冻柠蜜， 十级享受。我仲外卖左另外一个牛羊双拼米线，加十只饺子，一半白菜饺，一半韭菜饺。果然冇介绍错。