長發麵家 (已結業)

长发热卖手打墨丸同手打鱼蛋，只可拣一样，墨丸少机会食，就食墨丸啦。好好彩落单后再卖多一碗墨丸面，店员就大叫墨丸沽清！落咗单，要等一段时间先有得食。留意返，碗面份量真系唔大，千万唔好期望一碗够饱。现场所见，男食客一般都会叫两碗面。粗面碱水味少，汤底够热，味精唔算落得太重手。墨丸每粒大细唔同，有嚼头。见枱面有辣椒油，加少少入汤，成碗面即时生猛晒，辣椒油唔系死辣，有一朕吸引你食的香味。嗜辣的，必食。嚟食面，相信都系钟情坐街边开饭的风味，仲可以睇到店家点样准备食物。今日撞正店家在处理门鳝，一边仲同街坊闲话家常添。