Cafe 1950歐陸餐廳 (已結業)

系老旧既商埸入面，竟然发现左一间饰修新颖，别具一格既餐厅。cafe 1950，真系名副其实散发住异国风味既餐厅。入到去见到写住无限添饮4字，对于成日食野觉得杯野饮唔够饮既我黎讲，简直系沙漠既绿洲。由于间餐厅装修比人既感觉十分专业，符合店门，于是相应地叫左d 两碟野医医肚。先黎个鸡翼。咪睇佢细细只，但佢足以令你食欲大开。岩岩好可以一啖一只既鸡翼，再配合埋野味既酱汁，好食到唔愿开口吐返d骨出黎。跟住食意粉。意粉软身得黎又滑，加埋d三文鱼籽一齐食，增加左成个口感，十分满足。唯一要弹既，就系粒帆立贝，可能个人钟意食软身既野，粒帆立贝好似煮耐左少少，令到嘴嚼意粉既时间多左，破坏左意少软身既形象。