影片
更多
2013-06-26
111 浏览
啱啱返咗大陆山区做嘢成个星期咁滞，除咗返番入县城外，晌啲小镇小乡例牌无啖好食，其实佢哋啲嘢唔差，只喺小弟唔嗜辣，唔多啱口味啫。一向晌回港当晚，都会食番餐好，正正就跟几个食友约好依晚，嚟金牌小龙试试菜，幸好，航机无延误（内陆航机延误喺几平常事），准时赴会。金牌小龙晌国内唔同省市都有不少分店，如广州、深圳、北京、重庆、成都、福建……，而晌香港，铜锣湾分店结业后，现只剩尖沙咀The ONE及新蒲岗Mikiki两家分店。小弟之前未嚟过，所以，对其出品甚有兴趣，今晚，就让小弟风尘仆仆赶返嚟会一会依条过江小龙。一到店家门口，已挤满唔少人等位，颇墟撼，幸得食友一早事事安排好，令小弟近乎挠埋两手等食呀。室内装潢简约骨子，浅啡配杏色为主调，一室灯光柔和，餐厅中间喺一排又一排组合式二人枱，方便按人数多少变动，而最得欢心应该喺两侧嘅卡位，椅背较正常高出好多，更加不被前后食客骚扰，可惜就容纳唔到我哋6个人咁多。翻一翻餐牌，印刷好精致，每款食物有晒编号、价钱，食物名称有齐中英日文对照，兼且图文并茂，令人睇落非常清楚。整个餐牌，大致分为11类：点心类、小食类、馄饨类、特色小炒类、蔬菜类、汤类、拌面类、汤面类、炒饭
一到店家门口，已挤满唔少人等位，颇墟撼，幸得食友一早事事安排好，令小弟近乎挠埋两手等食呀。室内装潢简约骨子，浅啡配杏色为主调，一室灯光柔和，餐厅中间喺一排又一排组合式二人枱，方便按人数多少变动，而最得欢心应该喺两侧嘅卡位，椅背较正常高出好多，更加不被前后食客骚扰，可惜就容纳唔到我哋6个人咁多。
翻一翻餐牌，印刷好精致，每款食物有晒编号、价钱，食物名称有齐中英日文对照，兼且图文并茂，令人睇落非常清楚。整个餐牌，大致分为11类：点心类、小食类、馄饨类、特色小炒类、蔬菜类、汤类、拌面类、汤面类、炒饭类、特色甜点类、酒水。每一类都三五七样或十多样，所以都令人几心猿意马，总喺样样都想试！此外，补充一啲参考资料：茶位$7，另收加一，而切饼费每个$100，开瓶费每瓶$150。点菜好简易，剔好张点菜纸，交番比侍应就可以！先讲讲点心类，一共有17款之多，我哋拣咗其中4款一试：蟹黄小笼包、香菇花素蒸饺、韭王锅贴及筒仔米糕。当然仲有其他款式想试，如葱烧包，只好留返再嚟再试。
蟹黄小笼包 $66（6个）
小笼包放晌垫有白布嘅蒸笼内，代替惯常嘅花饼纸，环保之余减低被纸黐住嘅影响。外皮感觉有啲厚，所以夹起时个小笼包未有吊汤之状，虽然标榜有19折以上，但骤眼所见，折纹未见幼细。不过，咬开依然挺爆汁，以猪后腿肉做馅，味道鲜美，唔肥腻，口感唔错，略嫌蟹粉味未够突出，有啲似有还无嘅感觉。
香菇花素蒸饺 $48（6个）外型折得几靓，饺边折纹清晰，而外皮下隐约透出翠绿。顾名思义，内馅包括菇及菜，最欣赏喺菇粒同菜末都刴得幼细，食落感觉爽口清香。
韭王锅贴 $39（6只）一底6只嘅锅贴煎得香脆，内里填满猪肉及韭王，比例啱啱好，既有肉香，又有韭王清爽，怪唔之得喺店内嘅「金牌」推介。
筒仔米糕 $28台湾地道小食，筒仔米糕外型圆碌碌，因为好似竹筒饭咁，以竹筒做模蒸煮而成，卖相亦颇精致。米糕其实喺糯米嚟，加入冬菇粒、虾米、肉碎，加点卤汁蒸煮，米糕烟烟糯糯，伴点甜辣酱，又真喺几好食。
菜肉馄饨汤 $35跟住要试喺馄饨类，依个类别有6款，分别喺菜肉（或虾肉）馄饨汤、干拌菜肉（或虾肉）馄饨、菜肉（或虾肉）红油抄手，我哋试咗个较清淡嘅菜肉馄饨汤。一客有6大粒，馄饨皮挺薄，入口几滑溜，菜多肉少，所以入口较为清淡。不过，个卖相真认真麻麻，清汤底，加几条粗紫菜丝、蛋丝。
三杯鸡 $58唔好净喺谂住金牌小龙得点心、面食，特色小炒亦唔少，10款小炒中睇中三杯鸡，因为都喺一款出名嘅台湾菜。很认同食友嘅描述，鸡件食起嚟既滑且嫩，而且，味道浓郁惹味，值得推荐嘅小炒。
炸酱拌面 $33拌面类一共有5款，包括台式担担捞面、台式麻酱捞面、蕃茄蛋拌面、油葱拌面、炸酱拌面，款款都喺$33碗。面嘅份量确实不少，几个人分享就最多不过。将面条跟炸酱、青瓜丝、葱粒拌匀，入口感觉浓香嘅肉燥中有点点清爽，面条柔滑，挂满酱汁够晒滋味。
蕃茄蛋伴面 $33又喺另一款适合夏天嚟食嘅开胃伴面，其实唔晒多讲大家都领会到个味道，酸甜甜嘅蕃茄蛋倒得满满，蕃茄味酸香鲜活，蛋亦炒得唔老身，食完更开胃！
今晚，小食类、蔬菜类、汤类、汤面类、炒饭类依几款就无嗌到，其实一样有好多选择。去到尾声，自不然轮到特色甜点类，一口气点咗3款齐齐分享。迷你豆沙包 $27（3个）
一笼3个豆沙包，的的骰骰，不厚不薄嘅外皮包住满满嘅豆沙馅，豆沙味道清香不俗，又唔太甜，不过小弟都喺当佢喺个包点大于一件甜品。
迷你芝麻包 $27（3个）再嚟就轮到迷你芝麻包，又奇怪㖞，个芝麻包咬落个包身比个豆沙包松软，而且啲芝麻馅炒得颇香，所以，今晚钟意个芝麻包多啲。
赤豆松糕 $28反而小弟对松糕类就麻麻，唔喺唔食，只喺唔会主动拣啫。讲开赤豆，曾经有个小小美丽误会，误以为喺赤小豆，查实喺红豆。松糕食起嚟烟烟韧韧，完全跟我哋广东嘅松糕喺两样嘢，内里散布清甜红豆，至于糕面嘅红红绿绿，有啲会用红、绿青瓜，有啲会用红、绿樱桃嚟做，不过装饰大于味道。
酸梅汁原价$14，依家推出震撼价$9，足足打个65折，非常之抵，无理由唔嗌番杯啫，此外冻、热豆浆、冻柠宾都喺做紧震撼价。虽然卖$9，一样斟得大大杯，酸梅味唔错，又冻冻哋，份外清爽！
综观今餐晚饭，水准属OK之上，只喺部份食物有啲参差，未达期望，或者食嚟觉得有啲普通。不过，以尖沙咀，仲要晌大商场之内，觉得价位上仍相对便宜，服务又唔错，若拣正卡位又好坐，所以，松手少少俾个笑面佢。故此，如果想嚟到食得称心，就先参考一众食评筛走一啲味道或款式都较为普通嘅菜式喇！
张贴
