紅磡串門子

营业中

休息中

望海景嘅餐厅平时就去得多，唔知望后巷嘅餐厅大家又去过未呢？虽然餐厅比较细，但系环境干净，同埋落order 都系用电话好方便。每一次食串烧都一定要嗌鸡软骨+鸡肾($78/6串)，同埋烧茄子($36)。个烧茄子真系好正，落足蒜蓉，食落去又唔会太too much。鸡软骨同鸡肾都唔错，不过冇乜调味，少少dry。另外嗌咗烧鱿鱼须、鸡中翼，棉花糖多士，冬菇同埋芝士年糕。特别推介棉花糖多士同埋个芝士年糕，棉花糖溶得来又有口感，个芝士年糕溶得来又有得拉丝，超级钟意。呢间餐厅好适宜约埋啲朋友一齐嚟食，环境轻松又有风味，价钱都合理👍🏽