Little Mario's Pizzeria (珀麗灣)

营业中

休息中

𠮶日去马湾探朋友，佢话附近有间Pizza店唔错，就落咗去买外卖食。印度香料烤鸡及夏威夷薄饼餐厅主打pizza，仲可以双拼，我哋点咗个大批，总共有八件。两款Pizza都好足料，印度香料烤鸡轻微带辣，食落好惹味，夏威夷口味就有好多芝士，Pizza系传统薄底，焗得好香脆。蒜蓉包6块蒜蓉包唔系想像中长方形，而系扭扭纹，但都几好食，咬落够软身。杂菜咖哩角8件咖喱角有啲辣，反而点𠮶个汁就系唔辣嘅，炸得好金黄香口，充满印度风味。牛油薄饼呢个不过不失，同我想像中有少少唔同，系比较厚身个种印度薄饼，但用黎点咖哩都唔错。总括嚟讲，Pizza非常高质，其他食物都唔错，重点系餐厅环境非常优美，有海景睇，性价比超级高。值得一赞外卖餐具系木造嘅，非常环保。