安記士多

营业中

休息中

上星期日同太太行西贡，十点几由西湾亭起步，经过西湾，再行过咸田湾，行过著名的独木桥，刚刚够钟食饭，咸田湾得两档食肆可供选择，最后选了外表较企理凡安记。呢度名副其实风凉水冷，对住无敌大海景食饭。有有盖或露天两部份，天气唔晒我们当然坐露天啦！星期日行山人士众多，呢度都唔少人帮衬的。食物都系炒粉面饭公仔面汤河米等等港式野，我们都唔系太肚饿，所以只叫了碟咖哩叉烧炒米，呢味餐牌无，不过此等店舖想食佢地都应可以照做，出声就得。炒米，碟头反而不反想像中的大，即叫即炒够镬气，落足配料如葱段及洋葱，在这山卡啦地方食到这个水准算几好；另外在店主温先生的大力推介下叫了碟炸鸡翼，腌得算入味，都唔错。连啤酒汽水各一枝，埋单近一百，绝对唔算平，不过行到咁偏僻的地方，如果想食野又确系无咩选择，下一个补给站已经要去到赤径咁远，而呢度又系整得味道不错的。