瑞樵閣

营业中

休息中

订咗枱今晚喺呢度食饭，点知撞正十号风球，好彩喺6点前转3号波，唔驶改期一入到去，呢间餐厅既装修同半岛其他餐厅既华丽装修好唔同，好朴实，感觉正处于瑞士山区既一间传统小木屋咁昏暗既环境，浪漫既烛光，系爱侣撑枱脚既好地方一嚟到侍应就先送上暖暖既餐包，好香口。不过担心影响正餐既胃口，所以只系食左少少，不过我地最后有打包到，冇浪费食物我地首先叫咗个前菜，唔记得菜名，有切片既黄瓜、香肠、萝卜、烚蛋等等。我觉得麻麻地，因为太酸。不过前菜系要有少少酸先开胃，钟意食酸嘢既朋友应该会钟意。芝士火锅 - 今日嚟既目的系为咗Chesa既芝士火锅芝士香浓得嚟又唔太咸，我都知传统既瑞士芝士火锅系会加酒，不过本人并不嗜酒，酒既份量超出本人预期，所以食落感觉好“啃”不过我老公就好钟意食唔钟意酒既朋友可以同侍应讲落少啲酒。蟹肉班戟 - 我最钟意既菜式之一，薄薄既班戟皮，配上鲜甜既蟹肉，平时我好少食海鲜，因为好怕海鲜既腥味，但呢道菜我一啲腥味都食唔到，而个酱汁就能够更加带起蟹肉既鲜甜，一个字: 正！羊架 - 羊架我嗌咗七成熟，香脆既外皮同嫰滑多汁既羊肉，系我食过最好食既羊架。最令我惊喜既系伴碟既薯仔，厨师都有精心调味过。