金坊泰國美食

营业中

休息中

今日挂左成日风球，决定外出晚餐，食完回家休息。夏天无咩胃口，加上疫情无旅游，太挂住泰国美食，所以决定食呢间泰国餐厅，主要想食虾饼，但估唔到呢间咁特别有芝士虾丸。香浓芝士虾丸 $98好邪恶好难抗拒，超爆多芝士，非常香浓芝士味。爽口弹牙带浓郁虾味的大大粒虾丸，外层炸至香脆，内里系爆馅的芝士软心，入口咸香浓郁，弹牙口感丰富，沾甜酸酱更加滋味，份量刚刚好，食完唔腻。芒果沙冰 $36好重芒果味，鲜甜带果香，味道浓郁唔会太甜，沙冰打得细滑，好好饮。海南鸡饭 $68卖相吸引又份量足，海南鸡有齐鸡翼、鸡脾、鸡胸部位，平均又可食到唔同部位，仲配有事日例汤，好丰富。鸡肉超嫩滑，鸡脾弹滑嫩腍，鸡翼唔会好细只，鸡胸都嫩而不干，鸡味重又唔肥腻，鸡皮也爽滑。沾酸辣汁，味道更香。油饭做得好，干爽有饭香，鸡油都食得出，带点黄姜味。配埋鸡脚例汤，鸡脚有咬口，脚筋有胶质，冬瓜清甜，个汤唔油仲好温顺。