影片
更多
2007-03-18
34 浏览
两只为食猫完成心愿之后,满心欢喜四围揾野食!honhon本来打算去大街露天餐厅,等我呢个新界人感受一下外国风情,只可惜今日天气实在麻麻,最后都系去比较无咁食风既美利楼。在德国自助餐/野火三层架之间选了后者,原因系后者比较少人,似下午茶悠闲感觉多d。三层架tea set造型特别,pizza似天秤系顶层摇摇下好得意,内容有:意式多士配风干火腿:多士除左风干火腿,仲有水牛芝士、蕃茄、basil,材料相当丰富,味道都相当配合!个人相当喜欢呢片多士,推介!!自选8"pizza:唔记得pizza名,只记得部份材料有水牛芝士、tandori鸡肉;饼底颇薄但唔太脆,由于肚仔饿关系,虽然较油都觉得味道唔错,不过唔算太特别,个人比较钟意CPK pizza多d。烟三文鱼卷:三文鱼相当鲜美,味道唔会太咸又唔腥,中间部份似乎系爽脆蔬菜丝,配合软滑三文鱼,口感好正。秘制鸡翼配特色酱汁: 鸡翼如何秘制不得而知,不过似乎唔系鲜炸,因为温度唔太热,外皮又唔香脆,虽然够入味但唔够热就要扣分。香脆软壳蟹: 日前食得太多,今日全只软壳蟹由honhon独力承担,味道不能置评,但观乎外表就尚算ok大只。碗内尚有一堆新鲜沙律菜,消
三层架tea set造型特别,pizza似天秤系顶层摇摇下好得意,内容有:
意式多士配风干火腿:多士除左风干火腿,仲有水牛芝士、蕃茄、basil,材料相当丰富,味道都相当配合!个人相当喜欢呢片多士,推介!!
自选8"pizza:唔记得pizza名,只记得部份材料有水牛芝士、tandori鸡肉;饼底颇薄但唔太脆,由于肚仔饿关系,虽然较油都觉得味道唔错,不过唔算太特别,个人比较钟意CPK pizza多d。
烟三文鱼卷:三文鱼相当鲜美,味道唔会太咸又唔腥,中间部份似乎系爽脆蔬菜丝,配合软滑三文鱼,口感好正。
秘制鸡翼配特色酱汁: 鸡翼如何秘制不得而知,不过似乎唔系鲜炸,因为温度唔太热,外皮又唔香脆,虽然够入味但唔够热就要扣分。
香脆软壳蟹: 日前食得太多,今日全只软壳蟹由honhon独力承担,味道不能置评,但观乎外表就尚算ok大只。碗内尚有一堆新鲜沙律菜,消消肥腻作用唔错。
柠檬挞: 面层焗蛋白稍甜,配合底层柠檬馅一齐食就好好多,变成味道酸酸甜甜,挞底香脆可口,三样加起好有化学作用。
草莓芝士蛋糕:只有一汤匙份量,剔开中间个粒莓之后,份量更少!味道的确几够芝,但质感似炖蛋多过似芝士蛋糕。
咖啡:味道够香浓,有水准!用cream伴咖啡,口感更加香滑,而且份量够大杯,饮得相当满足。
服务方面,女侍应方面无大问题,但某d男侍应态度似乎需要改进,行到pair 下pair下之外,同客人落order时态度怪怪,系游客区著名餐厅里出现呢种情况似乎不太合适。
张贴
