影片
更多
2015-06-02
200 浏览
今日全日都落大雨，红雨黄雨讯号不断，出街都唔愿，叫工人唔好煮饭，叫外送薄饼好过，已经预料有好多人叫，所以一早四点几上网叫定，网上预定送餐已经通报繁忙，出18:54送餐，到时候唔见，横风横雨都比啲松动！但等到19:30都未见，打电话去分店无人听，无办法打去网上热线，接电话嘅女仔听到我系催单，都无办法可以帮我，只系话打去分店帮我追（我打到就唔使你追喇）都系要我等，肥髀已经叫肚饿，到19:40送餐哥哥终于到，佢湿晒咁，又好礼貌，大风大雨我都无话佢，辛苦了，佢比晒食物我就可以碌卡，不过哥哥仔好似唔熟，第一张括唔到号码！第二张先得，好似唔系好熟步骤！ 蒜蓉饱:加$24升级，湿身，唔够干，再焗热就好好多，包身干咗，蒜茸味好香但唔辣！好味！原味鸡翼拼意式迷你肠 :加钱$30升级，原味鸡翼离骨好juicy，香肠脆皮有汁，系今晚唯一唔使加热都好味嘅！2-3人大批套餐超级夏威夷 - 芝脆批(大批) :唔加热食，件薄饼已经冻晒，中央芝士已经凝固了，加钱嘅芝脆边亦唔脆，，失望，即刻开炉焗一焗，芝士溶溶地，批边脆晒，简单菠萝香肠已经好好味！千层肉酱阔面：一向喜欢阔条面，都系冻咗，要焗热先好味！面淋身索晒肉酱，蕃
蒜蓉饱:加$24升级，湿身，唔够干，再焗热就好好多，包身干咗，蒜茸味好香但唔辣！好味！
原味鸡翼拼意式迷你肠 :加钱$30升级，原味鸡翼离骨好juicy，香肠脆皮有汁，系今晚唯一唔使加热都好味嘅！2-3人大批套餐
超级夏威夷 - 芝脆批(大批) :唔加热食，件薄饼已经冻晒，中央芝士已经凝固了，加钱嘅芝脆边亦唔脆，，失望，即刻开炉焗一焗，芝士溶溶地，批边脆晒，简单菠萝香肠已经好好味！千层肉酱阔面：一向喜欢阔条面，都系冻咗，要焗热先好味！面淋身索晒肉酱，蕃茄肉酱好味
蘑菇忌廉鸡汤 :只叫肥髀一碗，冻咗，仲有一团团嘅膏状物，加热就似番啲正常忌廉汤，只系汤料好少！浆糊咁道地(蜂蜜)绿茶:加$3可以换绿茶，健康少许！
免费优惠：柠檬七喜2罐 ，正常
葡汁鸡焗意粉 ： 免费送嘅未必差，加热之后捞匀，意粉唔算淋，几好，鸡皇汁好浓好滑，唔会好咸，几好味！ 网上进一步环保，可以拣要不要餐具，我不需要餐具，又可以拣额外调味料，攞咗芝士粉、红椒粉、黑椒粉
所有食物都唔够热，要在家「加工」开焗炉翻热，味道先至正常！因为以前系浅水湾分店负责，距离近啲，而家改咗香港仔送，距离远了，所以一耐咗连热度都唔够！
讲真叫外送薄饼都懒到连街都唔想出嘅时候，维持生命嘅方法！横风横雨，自己加热好味啲就算！！
张贴
