焰井 (已結業)

台风系附近日日都有啲无情雨， 本来lunch想去食碗面， 点知去到对面马路附近横风横雨，企咗差唔多十分钟都好似冲凉咁样， 但就意外地发现咗呢一间舖头~焰井( 其实我一开始望以为佢系丼)﹐ 见到佢门口写住外卖有折， 我估自己都赶唔到堂食， 啲雨细啲就冲咗过去~入到去有位小姐好好招呼，拎咗外卖menu我睇， 周围八下望下环境~呢度应该系食石烧， 不过疫情之下就做埋外卖丼~ 话说好耐都冇食过牛肉饭~ 就叫咗个和风牛肉饭， 朋友就叫左个烧鱼饭， 有折之余仲送嘢饮，都几快手大概五分钟松啲已经搞掂pack好晒可以拎走， 返到上去拿拿林开嚟食~因为真系已经好肚饿， 我个牛肉饭靠得住~ 酱汁味够浓郁~ 牛肉唔鞋~份量唔算少~ 仲好多汁 ﹐如果饭嘅量可以再多啲畀我捞汁就一流啦； 朋友话佢烧鱼饭都唔错， 话又系唔会烧到好鞋， 望落好似好干但系食落系啱啱好， 而且鱼味好香~证明旧鱼都几新鲜~因为一场台风雨揾到一间新食店几开心，但比较搞笑系买完外卖出门口就系𠮶几分钟啲雨停晒~仲出太阳，不过亦都令到我哋安然无恙咁带啲饭盒返上去~都好嘅， 希望佢嘅折做耐啲…可以多啲嚟帮衬…