I Love You Dessert Bar (已結業)

自己试过整几次梳乎厘pancake，但完全唔好食，仲要一煎就塔左。我都系出去买舖头嘅食啦。一拎到手上就觉得外观好靓，张底纸好衬，单凭外观就已经加咗唔少分。佢嘅梳乎厘pancake好松软，唔系食紧空气，咬落系有质感系入面，完全唔系入口就消到泡泡咁虚无。好重蛋香味，有好少好少半熟feel。佢就咁食个pancake就无咩甜度，佢面头会有糖霜、蜂蜜、一球雪糕同埋类似甜忌廉嘅配搭，一冰冻再加pancake嘅暖温度，真系好好食。整体感觉偏松软同埋滑嘅口感，如果可以加多啲脆脆或者有咬口嘅配搭，我相信无论口感定层次都会更加好。