影片
更多
2017-12-31
941 浏览
隔三几个月就会食番次拉面，对上一次喺三个月前晌湾仔嘅「幸屋」，拉面算得上香港人颇钟意嘅日食之一，不时都仲听到新拉面店开业，真喺开极都有，而每家拉面店都有其独有杀手锏。今晚，同友人嚟到太子嘅「魂」，又会以咩应战呢？依一截西洋菜街以酒吧居多，所以，深红色布幡，再加上两大个「拉面」红灯笼，远处就认出店家。晌门口，见有个大大个易拉架作介绍，始知原来店家晌湾仔鹅颈桥屹立多年，真喺有点失阁晒。之前上网都大概了解过晒餐厅主打4款口味嘅拉面，包括「魂」、「火魂」、「太极」及「青龙」，均以豚骨汤为基础，除原味，另3款就加入唔同嘅味道作变化，分别喺蕃茄辣汁、墨鱼汁和菠菜汁，犹如风云变色。铺外嘅萤光招牌更作简单嘅介绍以吸引途人，晌黝黑嘅门面其实变得几抢眼。入到铺内，格局其实好简单，左边喺厨房，对出就喺一列面壁单丁位，一格格间开晒；而右方就喺4人为主嘅散格，有需要就拉番开啲为两张2人枱。修简比较简单，小木枱、小木櫈、昏黄小灯，唔算话好大卖日本风。 反而，厨房上嘅海报倒吸引我，「日本产鸡蛋使用店」自然令人对其用料增添信心。而枱下嘅小挂勾亦喺便民嘅设计！店家用上平板作餐牌加落单工具，一举两得，又环保。晌门口无留意
依一截西洋菜街以酒吧居多，所以，深红色布幡，再加上两大个「拉面」红灯笼，远处就认出店家。晌门口，见有个大大个易拉架作介绍，始知原来店家晌湾仔鹅颈桥屹立多年，真喺有点失阁晒。
之前上网都大概了解过晒餐厅主打4款口味嘅拉面，包括「魂」、「火魂」、「太极」及「青龙」，均以豚骨汤为基础，除原味，另3款就加入唔同嘅味道作变化，分别喺蕃茄辣汁、墨鱼汁和菠菜汁，犹如风云变色。铺外嘅萤光招牌更作简单嘅介绍以吸引途人，晌黝黑嘅门面其实变得几抢眼。
入到铺内，格局其实好简单，左边喺厨房，对出就喺一列面壁单丁位，一格格间开晒；而右方就喺4人为主嘅散格，有需要就拉番开啲为两张2人枱。修简比较简单，小木枱、小木櫈、昏黄小灯，唔算话好大卖日本风。
反而，厨房上嘅海报倒吸引我，「日本产鸡蛋使用店」自然令人对其用料增添信心。
而枱下嘅小挂勾亦喺便民嘅设计！
店家用上平板作餐牌加落单工具，一举两得，又环保。晌门口无留意个萤光菜牌无紧要，晌平板里一样有详细介绍，而拉面嘅面条软硬度、多汤少汤、配料多寡都有得逐样拣。
此外，叉烧、配料、拉面一如大部分拉面店，可以追加。
怕食碗拉面唔够喉，就不妨试试小食，店家提供4款小食，每款都唔过廿蚊，一试无妨，顺带一提全日仲免收加一添。
饮品方面，非酒精有汽水及日本波子汽水，较特别喺有一款日本梅子雪碧，就连汽水选项都有多冰、少冰拣，可见处处都显得人性化，而酒精类就有数款罐装嘅日本啤酒。
八爪鱼波波 $18见其有特别嘅海报作介绍，所以，都专登点一客嚟试试，一客有三粒，上枱时热辣辣。初时以为类似章鱼烧，但入口比较弹牙，无章鱼烧咁粉，而且，里面有唔少八瓜鱼粒，烟烟韧韧，配点甜酸酱食，又真喺唔错㖞。
太极 $99再介绍吓，汤底喺以浓郁嘅猪骨汤加上墨鱼汁，配料有日式叉烧，再加上一抹蟹膏同金萡，显得几贵气架，仲伴有温泉蛋、木耳丝、葱花、鸣门卷及紫菜。
拉面一向都喜欢硬面，觉得口感性强啲，食落果然有韧劲。
叉烧薄切带肥，本来想夹起嚟影张大特写，不过，挟起即散，但质感唔错，软腍有点脂香。
半凝半溶嘅溏心蛋，相信都难唔到啲拉面店，流心嘅蛋浆好香浓，加上话明喺日本蛋，自然要加分。不过，煮得仍有少少过火，蛋黄边喺熟过笼，要扣番少少分。
汤色一白一黑，营造「太极」效果，当然，冚咗咁多配料，效果唔会太明显啦。然而，入口几香猪骨味，浓得嚟唔会太浆口，亦唔觉油腻，个人觉得啱啱好，所以，小弟真喺帮佢清晒成碗汤架，话时话，碗拉面贵就喺贵在啲汤嘛。虽然话加咗蟹膏，但唔会话突然鲜味到不得了，只喺卖相上抢到点。
青龙 $99青龙只有晚上六点后才有供应，无详问究竟，但想呢款拉面嘅朋友要注意喇。青龙以浓郁嘅猪骨汤搭菠菜汁，除日式叉烧，仲有溏心蛋、蟹棒、蟹肉、鱼子酱，以及露笋仔、蜜糖豆、粟米粒、葱花、鸣门卷及紫菜和葱花，材料丰富，感觉予人清新。友人话汤底出奇嘅清爽，完全无油腻感，仲带带微微菠菜香，而蟹棒、蟹肉配黑鱼籽超好食，咸鲜极致；拉面选中硬度，好衬个汤，其他配料亦好食。
日本梅子雪碧汽水 $18食拉面普遍都喺浓味嘅汤底居多，尤其猪骨汤，虽然「魂」嘅汤底已经算喺浓而不腻，但配上呢杯特种雪碧效果更理想，加咗梅子令汽水有股酸香，梳打嘅汽让人有种爽快感，所以，饮咗呢杯汽水彷佛有份鲜腻感。
「魂」嘅出品的确喺唔错，怪不得之前晌湾仔区做咗咁多年，严选4款拉面出品，几款小食，做得专啲，贵精不贵多，总好过款多出品唔得。
张贴
