名峻會 (莊士倫敦廣場)

营业中

休息中

七月唯一嘅七一长假期，竟然喺台风之下渡过，所有户外活动都取消晒，但约好咗成班朋友又唔想扫兴，有人就提议去雀会，赌神即刻介绍我哋去呢间名峻会。呢度位于庄士伦敦广场13楼全层，一出䢂就见到有两张桌球枱。再行入去就有十几间麻雀房，部份房间仲有窗可以望到尖沙咀景观，非常开扬。呢度提供嘅中国茶可以每位都唔同，有独立保温壶盛载，打麻雀就啱晒啦。打雀局嘅好处，就系可以随时叫嘢食，首先我哋拣咗金薯蜜椒牛柳粒，薯仔同牛柳粒都有蜜糖同黑椒包住，用嚟送饭一流。西兰花炒虾球卖相真系有酒楼水准，虾仁又大又爽口，西兰花都好新鲜。店员仲推介我哋试呢个冰镇咕噜肉，咕噜肉用冰块全面覆盖，真系够晒冰镇。打捞一轮之后，一粒粒咕噜肉就呈现喺眼前。