叁明治

营业中

休息中

10号风球过后，8号风球嘅下午，同阿妈响屋企附近食完lunch，本身谂住行去大快活帮衬下午茶，点知俾我哋发现，老麦甜品站后面有间小店，招牌灯火通明，于是响落住雨嘅天气下，为咗唔使揼雨，兜远路都行过去𥄫吓。招牌灯火通明，目测有两位店员打理，主力外卖，堂食有两三个座位见到menu有三文治，多士，小食，扒类（另外仲见到有两款意粉）因为之前食过啲嘢，但未食饱，所以响选择困难症发作下企响度谂咗好耐，最终决定叫一个”忌廉芝士烟三文鱼酸种多士”试试，如果好食，下次就可以试佢哋嘅酸种三文治+小食响等候期间，阿妈多口问佢哋开咗几耐，因为我哋平时冇为意到佢哋间舖头，一位好好礼貌疑似老细嘅店员回应我哋，佢话开咗大概2个月左右，佢哋卖嘅三文治同多士，都系酸种面包整嘅拎到返屋企，急不及待打开试食啦！烟三文鱼，酸豆同忌廉芝士酱都系稳阵正路嘢，个多士面包几软熟，唔干身，有啲莓粒粒，所以成个配搭食落唔会觉漏！下次可以正餐时间买佢哋嘅酸种三文治试试，继续支持有礼又有heart嘅小店！亦希望多啲客人嚟帮衬。毕竟，响旧式屋邨经营呢一类较为新派嘅高质小店，系一件好好好唔容易嘅事！