榴槤樂園 (金巴利道) (已結業)

当晚系佐敦食完生日饭后就去食甜品。行左15分钟左右先到，好夹摄，系婚纱街最尾。我记得几年前个舖位好似卖男礼嘅，依家变晒Lu.榴梿乐园有２层，基本上个个都会上上层开餐，因为下层好迫，而且bar位多。一上到去，好多榴梿摆设，好大阵榴梿味，爱榴梿嘅我当然好钟意啦～当时系星期五，都未算太多人，唔嘈所以倾计好ok, 但系如果讨厌榴梿嘅人真系一秒都唔想留底睇餐牌，其实唔系太多有榴梿食品嘅选择，反而有好多饮品。我谂左好耐终于拣左「冰火榴住我」，又有榴梿又有甜品食下。雪糕系榴梿，有榴梿肉，下层就好似tiramisu咁，有咖啡可以林系雪糕上面。价钱都可以接受嘅，而且服务态度都很好，所以有机会都会再黎食。