椰子星球 (已結業)

绑好安全带了，我哋要飞去”椰子星球”！暂时只有将军澳新都城嘅”椰子星球”，主打各种新鲜椰子主题嘅甜品，外型美观独特，非常受街坊欢迎。今次我哋系当中三个系列各拣咗一个甜品嚟试。芒芒UFO - 椰子糖水系列，上面铺满非常鲜甜嘅芒果同小丸子，入边就系浸咗芒果汁嘅椰水冻。另外跟咗一支特调椰汁。果然系招牌，甜之余有相当多唔同嘅口感，同行小朋友最爱系呢个。HKD 56开心果椰子冻 - 椰子奶冻系列，表面铺满晒开心果碎已经可以满足开心果fans。椰子档嘅开心果味其实已经几够，但系店方为咗令口味再丰富啲，加入咗芝士，令呢个甜品甜咸兼备，咁就唔会流于简单或者过腻。HKD 65丸丸椰皇炖蛋白 - 椰皇炖蛋白系列，表面上就系芋圆小丸子加上炖蛋白。如果先食咗其他甜品，呢个甜品就会冇咁有味道。不过同小孩子唔同，我反而最钟意呢个。首先佢唔会好甜，其次佢嘅蛋白味好突出，就算系冻食都好容易闻到佢嘅蛋白香。下次真系要试吓个热食先！HKD 56最后要讲呢几个甜品份量相当唔少嘢，如果食正餐先可以考虑正餐食少啲。