曲奇四重奏 (已搬遷) 新店位置

由于本人都算系个蝴蝶酥迷, 所以当收到友人送既一盒曲奇四重奏蝴蝶酥时, 真系异常兴奋! 因为之前成日听人话呢度D饼好好味, 又话成日断货买唔到咁...好喇...一开! 盒内全布满一只只小蝴蝶, 我估大概有四五十块啦~ D蝴蝶酥每块睇落都几金黄色, 面头仲有一层微令既糖衣包住. 满心期待咁放入口...点知...车! 都无味既!!! 系咪冇落糖呀?! 我已经唔算特别钟意食甜啦, 但真系无乜味... 成盒入面我要食到底先有几块系叫做有D甜味啰...整体黎讲, 如果阵味甜番D应该会几好呢~ 至于我觉得好食既蝴蝶酥, 有湾仔既百事吉迷你版, 佢系我食过最好味, 味道虽偏甜但非常松化! 至于皇后饼度既超巨型曲奇饼底都唔差, 好香好香既牛油味, 不过食一个等于食左十只细版, 食完超饱! 哈哈~