Dodam Chicken (1亞太中心) (已結業)

收工好累紧系要奖励下自己，近近地去左OPC揾食简左依间食韩国野。入去时间都仲算早6点左右，店面唔算多人，应该系韩国人嘅经理（我估）安排左我地坐窗口卡位，坐得几舒服。餐牌非常多选择，真系好似系韩国咁，除左韩式炸鸡依D基本野，重有韩式pizza，炒饭，部队锅之类，真系选择困难症… 最后简左招牌苹果薄饼，同埋招牌海鲜炒饭。招牌苹果薄饼超级大块，系薄嘅薄饼底，超出预期咁样好食。佢底层系苹果酱，上面一D都唔孤寒好多芝士，焗溶左拉丝好香芝士味。最后用左苹果切片同面包糠做点缀，又令左口感又多层次左。招牌海鲜炒饭非常足料，好多虾同带子，好似重有小小咸蛋香，味道比较清新，食完重口味野要食番D清新。上面有几块炸洋葱圈，卖样好正岩晒打卡。