The Galley by Cafe Proud Wings (已結業)

而家食肆都流行揾个主题做主打，成间铺嘅装修都会陪合返个theme，有好多打卡位就会吸引好多人去，又会有网上人气，多人排队去食。近年兴起嘅有怀旧餐厅...入面装修到50-60年代咁、亲子餐厅...入面有埋玩具游乐场畀小朋友玩、宠物餐厅...可以同猫猫狗狗一齐玩一齐食。早排去咗间飞机主题餐厅，有个住大角咀嘅朋友介绍嘅。入面装潢以飞机航空为主调，所有布置都非常精美而食物亦毫不逊色。黑松露野菌意大利饭，以传统意大利手法烹调，al dente嘅质感，加上香浓嘅黑松露味，我地好快就食晒。烧牛小排，煎到5成熟，肉质唔会老，牛味浓郁。