The Galley by Cafe Proud Wings (已結業)

今日朋友带左我去左首间航空概念既西餐㕔，门口已经见到机舱既造型，令我更好奇入面既装修系唔系好似同机舱一样。原来入面真系有机位座椅，总共有两座卡位配设机位座椅。环境非常逼真，连一啲只有机上见到既标语都贴左系枱边。餐厅既另一边就彷如机场大堂，墙上有航班资讯显示屏，甚至离港指示牌。到达既时候大约仲有lunch set。我叫烧酿车打芝士鸡胸配意粉，鸡胸外皮稍为焦香，切开既时候见到鸡胸肉好嫩滑多汁。意粉加左橄榄油同香草已经够惹味。朋友叫左鲜虾墨鱼汁意大利饭。米饭呈现出浓郁粘稠既质感。墨鱼汁味道较浓，配以新鲜大虾已经好惹味。Lunch set仲有餐汤和餐饮，南瓜汤非常香滑creamy，至于柠檬茶茶底香浓。虽然地理位置唔太理想，但餐厅主题够特别，食物味道都出色，值得一试。