圓山台灣料理 (已結業)

M佬转咗工前，Weekend飞转台湾都无问题，依家M佬每个Weekend都瞓到日上三竿。既然无得飞台湾，就去揾间台湾餐厅食下，听讲尖沙咀圆山台湾料理好正宗，就去试下佢嘅二人晚市套餐A。凉伴耳丝薄薄嘅猪耳丝预先捞咗麻油，惹味兼爽口，口感丰富，唔错嘅开胃前菜。足料老火汤每日唔同款，呢个老黄瓜扁豆煲猪肉，非常足料，无落味精，入口鲜甜。盐酥鸡食台湾菜点可以无盐酥鸡，新鲜炸起，外皮香脆，内里鸡肉嫰滑，不过如果多啲盐同胡椒，会更香口。屏东小炒呢个绝对系小炒皇啲friend，有韮菜、芹菜、虾米、鱿鱼、腊肠，腩肉同芫茜，好惹味。蒜蓉炒A菜A姐食A菜，另一台湾菜嘅代表，淡淡嘅蒜蓉味吊出A菜嘅鲜甜。台南担仔面 或 台式卤肉饭我哋一人拣一款，愈普通嘅菜式愈考功夫。担仔面汤底浓郁，面粉挂汤力强，正。卤肉半肥瘦，入口即溶，捞埋饭，真系Perfect！（记住Like同Share畀朋友）