牛禪燒肉日本料理 (已結業)

上个月同朋友食隔离间18巷，觉得食物质素相当唔错。当晚见隔离同属同一个老板嘅餐厅牛禅有飞騨牛食，即晚已讲定一齐再相约去食。圣诞节梗系乘机出黎庆祝食大餐啦~三点前菜 - $30三款中最爱渍物蒜头~ 蒜头粒食都真系未试过，又估唔到咁好食。渍物蒜头完全无蒜头嘅辛辣味，而且好爽脆。味醂鱼干 - $98即系鸡泡即烘即食。鱼干上味醂甜甜地，鱼干烟烟韧韧，仲可以点沙律酱一齐食。同朋友吹水嘅最佳小食。炸鸡软骨 - $38另一吹水嘅最佳小食，热辣辣炸起嘅鸡软骨，香脆得黎唔油腻，而且唔会太咸，一粒接一粒，食唔停口。芒果蟹籽沙律 - $88 沙律配上有好多青爪丝，加埋芒果蟹籽食，好爽脆开胃。A5飞騨玫瑰 - $1680今晚大餐主角出埸，将牛变成一朵朵精致嘅摆到咁靓，真系未满足我味蕾就先震撼我视觉。飞騨玫瑰每款都插有旗仔介绍，分别有飞騨牛胫脊、飞騨牛小排、飞騨A5肉眼同飞騨A5西冷。店员细心同我地介绍一下牛，话要由无咁浓味嘅飞騨牛胫脊开始烧。　　　飞騨牛胫脊好薄，唔驶烧太耐就食得，入口牛味浓郁，沾少少岩盐已好好食飞騨牛小排比飞騨牛胫脊牛味更浓，而且有嚼劲。飞騨A5西冷系油脂最丰富，烧起黎特别香，肉质柔软细腻，