YAMA (裝修中)

上次嚟食过，觉得好有水准，今次约埋个friend嚟食。佢未嚟到，我觉得有啲饿，竟然系先去攞甜品!😂其实系因为上次太晏出去攞，冇哂我钟意𠮶啲。今次个Main𨍭咗做飞驒和牛，个friend见到menu就即刻话：「正嘢嚟㖞！」😊最先上嘅系刺身拼盘，果然系有几块和牛，口感滑溜，质感新鲜，味道都算几鲜甜，而其他刺身同之前食嘅一样咁新鲜。😋👍🏼既然系和牛做主题，冇理由唔试吓㗎，我哋三个人只有一个唔食牛，佢叫咗龙虾。朋友问我觉唔觉块牛肉好肥，我话唔觉，秘密系夹埋啲椰菜丝一齐食就冇问题㗎啦。😊 龙虾同上次一样咁有水准，但系要加$100。👍🏼😋呢度嘅半自助晚餐仲可以upgrade酒水任饮package，我哋三个人都upgrade 咗，对我嚟讲，upgrade 好𨺗，因为我唔系好识饮酒，当然你可以叫果汁同汽水，但系好似好陡料。不过我个friend先叫一杯白酒，跟住食牛肉𠮶阵再嚟一杯红酒，佢话咁样先夹。😅之后我哋叫咗一壶Sake，倾吓饮吓。临尾，佢去攞甜品，再叫多杯黑啤，服咗佢！😂如果你好似我个friend 咁饮得，咁加$238都值得。🍷🍶🍻🍸🥂