滿屋日本料理 (大埔超級城C區)

营业中

休息中

满屋日本料理 (大埔超级城)📍大埔安邦路8&10号大埔超级城地下542-548号舖外甥刚刚考完个DSE，一早已经答应左佢，考完请佢食返餐好既。佢听D同学讲，大埔既满屋放题好好食，我当然系乐意之极。个乖猪话佢早餐只食少少，谂住留肚黎满屋试尽过佰款料理，闲日既午市好抵食，只需要$258/位，小童系按高度算，140以上需要按大人收费，应该既，乖猪食量本来已经大过我。我地清楚收费后，已急不及待就座，餐厅采用QＲ落单，上菜好快，琳瑯满目的食物，样样都想试，好彩佢可以１件１件既点，先至可以试多几款。红咖哩软壳蟹伴海虾，个汁好惹味，软壳蟹大大只，炸得好香口，外脆内里肉汁满满，海虾都唔细，肉质爽嫩，好鲜甜。冷鲍鱼搭配泰式调味料，鲍鱼好新鲜好爽口，个汁辣得黎好过瘾。羊架烧得好香，有点羊臊味，喜欢食羊既会明白。手卷、军舰同卷物好精致，细细件，啱哂眼阔肚唔阔既我们，紫菜好脆好好食，刺身好新鲜，带子同赤虾，十分鲜甜。天妇罗包括秋葵, 虎虾, 南瓜, 整体外层炸得脆身香口。甜品都有好多自家制作款式，奶冻糕点水果任取，雪糕款式都有十多款，食得太HIGH同太饱，走既时候居然唔记得食雪糕，真系要揾日去食多次先得。