秀拉麵 (已結業)

结婚六周年, 两公婆带埋囡囡决定试下过海, 听闻中环镛记酒家斜对面嘅秀拉面曾风靡东京及纽约嘅人气拉面店一咁就一于要试下啦, 的骰的舖位只有十多个座位, 拉面款式主要分为博多元祖拉面，白秀拉面，黑秀拉面及赤秀拉面四种, 虽然我地黎到只系晚上７点，但博多元祖拉面早已沽清，大家亦只好在赤黑白之间作选择。白即猪骨汤底，黑就加入黑酱油, 先试一啖汤头，猪骨汤唔算好稠浓，入口感觉并无预期中咁丰厚，水准不过不失。面条方面用上九洲拉面常见嘅幼身面线，蛋香略嫌唔多够, 好快就变软成糊状，食落明显有碱水味，感觉唔系太讨好价钱方面属中高，大约$90一碗，如果要再加配菜, 如糖芯蛋，就要$100一碗左右。