金功夫點心火鍋 (已結業)

上星期发现公司附近又有新食肆上场，新店「金功夫点心火锅」现正以超荀价一蚊一粒虾饺皇招揽午市食客。返上公司浏览OpenRice个网页时，发现如经网上订座更可享全单八折优惠，小肥当然系第一时间约埋几位为食长辈去试新野啦！两层高o既「金功夫」有私家升降机上落，一楼为厢房，预先订座o既五人则被安排入座二楼o既一张圆枱。散座大堂楼底高，餐桌都分得几开吓，中央o既四人卡位两边都有走廊通道，感觉阔落松动。午市繁忙时间，楼面却仅有三位服务生，就连经理落埋手都忙得团团转，睇黎应该未请够人。齐全o既餐具上都印有「金功夫」个金漆唛头。两页点心纸附有彩图，清晰易明，而且都几多选择吓。周一至日午市茗茶每位$10；闲日早茶（上午八时至十一时半）及下午茶（下午两时半至四时）均可享八折优惠，即每位$8，以埋单时间计算。差不多枱枱都有叫一蚊粒「金功夫虾饺皇」。餐牌上写明，每人限叫两只，只可堂食，咁都好公平。请留意，食咗一蚊虾饺皇就唔可以享用八折，长辈一早计定条数，发觉点食每人食两只一蚊虾饺皇都一定抵过要全单八折，好明显我地拣咩啦！金功夫虾饺皇（$1/粒；原价$12/粒，两只起）：虾饺皇虽然系一蚊一粒，但份量绝无因此而缩