龍泉私房菜

营业中

休息中

寻晚老妈生日兼做冬，因之前看食评尚可所以订位光顾点知就出事！订6点45分8位准时入座，除左𠮶汤同碟虾正常时间上菜外，其他𩠌一律等半个钟头以上，我由七点钟套大陆剧睇到多功能老婆完结啲菜都未上哂，全间餐厅6间房加大厅6张枱全部一切起閧大吵，可想而知情况有几恐怖，食一餐饭用左超过3个钟我谂食法国菜都唔驶，期间个贱格大厨因为被催出𩠌关系重要大声讲粗口发恶闹客人而被全餐厅顾客听哂！我都忍唔住去厨房门口闹爆个厨师然后佢先收声道歉！我哋本来想息事宁人但佢哋有问题还要闹翻客人呢个先系重点，如果大家系有被虐狂可以一试....食物方面，厨房连人手都唔够点会煮得好食，全部馊水级质素兼难食，喺咁既不知所谓服务重要收埋加一我谂全香港只有佢哋敢做得出！香港饮食业因为外在因素步入严冬，在加埋呢啲害群之马只会令饮食业死得更快！！！