影片
更多
2023-02-19
79 浏览
同朋友谂唔到食咩好，食日本嘢就系其中一个最好嘅选择，今次嚟到鸣门割烹料理试吓佢哋嘅周末半自助午餐，一个价钱就包咗一份主食，然后沙律、寿司、刺身、炸物、烧物、饮品等都系任叫，真系食一餐饱一日😂主食我哋拣咗网烧安格斯牛扒(五成熟)同牛肉野菜锅～网烧安格斯牛扒上台时已经切好咗方便享用，每件安格斯牛扒嘅肉质呈鲜嫩粉红，入口有油香，软腍可口牛味够浓，感觉肉汁都锁住喺牛扒入面😋而且可以自己拣几成熟，呢点非常好👍🏽啱晒食肉兽～牛肉野菜锅都好足料！除咗有肥牛、冬菇、菜、洋葱、葱，仲有粗身嘅粉丝。汤底好鲜甜，带出蔬菜同埋牛肉嘅鲜味～值得一提系粉丝好索汤，尽吸汤底精华令我食唔停😋最正系加多只生鸡蛋，绝对系锦上添花，牛肉点埋啲蛋汁食落好顺口～食完一人一份嘅主菜后就嚟到任食部份🎊各类刺身刺身类好多选择～有三文鱼、油甘鱼、鲷鱼、帆立贝、赤虾、北寄贝、荣螺、八爪鱼～三文鱼厚切好肥美，赤虾极鲜甜Juicy，帆立贝大只新鲜又厚肉，其他刺身质素都好高，彷如亲身到咗日本食刺身一样🤟欣赏佢哋嘅刺身唔会成旧冰咁，而且切得好大件，一盘排得靓靓绝不欺场～另外每位都会送一只矶煮鲍鱼，鲍鱼用上特制酱汁炆煮，肉质爽得嚟够弹牙🥰炸物叫咗
主食我哋拣咗网烧安格斯牛扒(五成熟)同牛肉野菜锅～
网烧安格斯牛扒上台时已经切好咗方便享用，每件安格斯牛扒嘅肉质呈鲜嫩粉红，入口有油香，软腍可口牛味够浓，感觉肉汁都锁住喺牛扒入面😋而且可以自己拣几成熟，呢点非常好👍🏽啱晒食肉兽～
牛肉野菜锅都好足料！除咗有肥牛、冬菇、菜、洋葱、葱，仲有粗身嘅粉丝。汤底好鲜甜，带出蔬菜同埋牛肉嘅鲜味～值得一提系粉丝好索汤，尽吸汤底精华令我食唔停😋最正系加多只生鸡蛋，绝对系锦上添花，牛肉点埋啲蛋汁食落好顺口～
食完一人一份嘅主菜后就嚟到任食部份🎊
各类刺身刺身类好多选择～有三文鱼、油甘鱼、鲷鱼、帆立贝、赤虾、北寄贝、荣螺、八爪鱼～三文鱼厚切好肥美，赤虾极鲜甜Juicy，帆立贝大只新鲜又厚肉，其他刺身质素都好高，彷如亲身到咗日本食刺身一样🤟欣赏佢哋嘅刺身唔会成旧冰咁，而且切得好大件，一盘排得靓靓绝不欺场～另外每位都会送一只矶煮鲍鱼，鲍鱼用上特制酱汁炆煮，肉质爽得嚟够弹牙🥰
炸物叫咗吉列蚝、芝士年糕、芝麻鸡翼、唐扬鸡软骨粒同吉列迷你紫薯饼，款款香口惹味，全部细细件，可以试哂咁多种，食到个口好忙碌😂特别推介芝麻鸡翼鸡翼干身脆口，原只上食得特别豪气！
烧物叫咗汁烧白豚腩、免治鸡肉棒、厚烧牛舌同明太子玉子，特别推介烧牛舌，连朋友都赞好！另外仲有烧三文鱼头！真系无谂过喺度有得食烧三文鱼头😲原来系限定供应嘅，Lucky呢～三文鱼烧得相当香脆，而且个头非常大，入面有好多肉，鱼肉鲜嫩油脂丰富，好惊喜！
迷你牛肉汤乌冬牛肉与清甜嘅汤乌冬完美融合，乌冬弹性强，口感有嚼劲，细细碗过过口瘾不错😌
巨峰乳酸特饮、白桃乳酸特饮
有少少气嘅，味道酸酸甜甜，饮落好fresh，食到咁上下饮几啖湿下喉咙又可以再作战！
鸣门割烹料理位于国际交易中心二楼位置，楼底高之余采光度充足，餐厅环境阔落，而且好光猛干净✨座椅都几舒服，系个weekend嚟同朋友相聚倾计食嘢嘅好地方🥰
张贴
