川粵米線大王 (已結業)

一次偶然机会试咗就好似上咗瘾咁。我住附近，平时食开对面既洽兴，贪佢够平。见呢间米线啱啱开档，响出面见到价钱都唔算贵，咪入去试吓新野。第一个感觉系有啲多余既半自助形色：要人写点菜纸，又唔系乜大酒楼．．．直接同佢讲食乜好过啦。食咗几次都惯咗。第二系食饭时间好旺，一个人就点都要搭枱，同埋叫咗野有排都未有得食。所以我通常都系响一点前去。夜晚仲夸张，几十人响门口等位。佢啲米线麻味好正，响等二度我都未试过。啲汤度有啲黑色外形似胡椒粒既，一咬落去成口麻痺。好过瘾。仲有食完之后好似上脑咁，个头凉沈沈，对于我地呢啲返ｏｆｆｉｃｅ既成日做到头痛系一大享受。我亦都试过其他米线，人地啲系用辣椒粉而呢度系辣椒油。我由微辣食到中辣，都好似唔系好够辣咁。佢地既辣油系自家制，加咗大量辣椒皮，同埋好香，同时满足人既味觉同嗅觉。食过佢啲米线之后，直头对对面间洽兴无洒兴趣。因为汤底、𩠌料同面线都相差太远。虽然价钱方面系贵啲，但系计埋份量同质量，真系好值得。仲有佢有个午市特价，叫米线送野饮。两个𩠌既米线连野饮都系hkd21落楼。