麻辣風雲 (京都廣場) (已結業)

之前见过好多朋友食麻辣风云，已经bookmark 左好耐想试，特别系佢个酸菜鱼。今日终于轮到我了。主菜黎之前。叫了两个小食手拍青瓜青瓜爽口，加上陈醋，一向系开胃之选。先食个凉盘，酸日炎炎正好。鸡丝粉皮麻酱加上粉皮向来都觉得十分好食，粉皮又吸晒d麻酱，加上爽口既青瓜丝。酸菜鱼主角酸菜鱼，几乎每一台都系必吃。酸菜鱼无论系酸度，麻度及辣度都可以自己拣。由于我都真系怕辣，所以今日就叫左个小麻小酸小辣。鱼好足料，鱼皮都系滑的，加上都几鲜味。酸菜份量都几好，佢调味不是死辣，而系有种越食越想食，会上瘾既感觉。加上不少宽粉，吸晒辣味。炸鳗头平身以为平平无奇。但发现好多人都有叫。再睇睇上菜方式劲靓。有请诸葛先生带著馒头出场。四川担担面四川必食既面食。一样可以拣麻度辣度。十分好吃。麻酱辣味岩岩好，加上肉碎味，真系好好味既四川面食。两杯饮品鲜柠梳打龙凤柠乐两杯都系解辣解渴之选。特别系个梳打夏日炎炎一度饮，一度食酸菜鱼，实在系正。其实佢每一份食物都好大份。份量都真系好够。