天天燒鵝皇

营业中

休息中

今日做孤独的美食家，话说近排系元朗食过几间烧味店既烧鹅都比较一般，有d更称为名店，至于系呢间系天水围既天天烧鹅皇既烧鹅我都食过好多次，每次经过都会俾佢既鹅香味吸引，所以今日再黎回味下啦。平时黎买都系外卖多，多数收工后买外卖，今日放假就黎堂食，由于黎到只系下午5点左右，所以店内暂时无客，但食食下都开始有客了，可惜今日无乳猪，有时好彩会有乳猪卖，食过2次都系好好食，又系必食之选。外卖同堂食好似分左2个餐牌，堂食相对贵d。烧鹅饭黎天天烧鹅皇烧鹅系必食既，先讲饭量超多，烧鹅俾左翼位同少少胸位，都算比较有肉食，皮好够脆，鹅香味又足，调味都一如以往做得好，肉质够爽仲有肉汁，其实真系好过好多所谓名店。例汤未试过佢地既例汤今日试下，例汤好多料，不过比较淡，一定无落味精先，但比较淡唔算好好好饮，加15蚊黎讲就唔太值了。天天烧鹅皇既定价其实比较进取，价钱加幅都比较密，系同区比较更算为高，但好在质素有保证，一分钱一分货，如果攞之前食过果几间黎我就宁愿食返佢啦，未试过既朋友都推荐一试。